പതിന്നാലംഗ ഭരണസമിതിയിൽ യുഡിഎഫിന് ഒൻപതും എൽഡിഎഫിന് അഞ്ചും അംഗങ്ങളാണുള്ളത്. യുഡിഎഫിൽ കോൺഗ്രസിന് ഏഴും മുസ്ലിം ലീഗിന് രണ്ടും അംഗങ്ങളാണുള്ളത്. കോൺഗ്രസ് ജനപ്രതിനിധികളുടെ യോഗത്തിൽ മണ്ഡലം പ്രസിഡന്റ് ഇൻ ചാർജ് ഷാജു കാരക്കട അധ്യക്ഷത വഹിച്ചു. പഞ്ചായത്ത് നാലാംവാർഡ് കക്കയം മെമ്പർ ഡാർളി പുല്ലംകുന്നേൽ സിനിയുടെ പേര് പ്രസിഡന്റ് സ്ഥാനത്തേക്ക് നിർദേശിച്ചു. പതിന്നാലാം വാർഡ് കാറ്റുള്ളമല മെമ്പർ ബിന്ദു ആനിക്കാട്ട് പിന്താങ്ങി. ജോസ് വെളിയത്ത്, ചെറിയാൻ അറയ്ക്കൽ, സണ്ണി കാനാട്ട്, ബിന്ദു കളപ്പുരയ്ക്കൽ എന്നിവർ സംസാരിച്ചു.
മുസ്ലിംലീഗിന് ലഭിച്ച വൈസ് പ്രസിഡന്റ് സ്ഥാനത്തേക്ക് പത്താംവാർഡ് ചാലിടം ജനപ്രതിനിധി ബിജു കടലാശ്ശേരിയുടെ പേരാണ് പരിഗണനയിലുള്ളതെന്നാണ് ലഭിക്കുന്ന സൂചന.