കൂരാച്ചുണ്ട് : ബംഗ്ലാദേശിൽ വെച്ച് നടന്ന സാഫ് കപ്പ് അണ്ടർ 17 വനിതാ ഫുട്ബോൾ ടൂർണമെന്റിൽ ഏറ്റവും കൂടുതൽ ഗോൾ നേടിയ താരത്തിനുള്ള "ഗോൾഡൻ ബൂട്ട്" കക്കയം സ്വദേശി ഷിൽജി ഷാജി കരസ്ഥമാക്കി.
നേപ്പാളിനെതിരെ 3 ഗോളും, ഭൂട്ടാനെതിരെ 5 ഗോളുമടക്കം 8 ഗോൾ ആണ് ഷിൽജി നേടിയത്.
5 ടീമുകൾ പങ്കെടുത്ത ടൂർണമെന്റിൽ റഷ്യക്കും, ബംഗ്ലാദേശിനും പുറകിലായി 3 സ്ഥാനമാണ് ഇന്ത്യ കരസ്ഥമാക്കിയത്.
20 വർഷത്തിലധികം കോഴിക്കോട് ബ്ലാക്ക് & വൈറ്റ്, എം വൈ സി കക്കയം ഉൾപ്പടെയുള്ള പ്രാദേശിക ടീമുകൾക്ക് വേണ്ടി കളിച്ച ഷാജി ജോസഫ് നീർവാഴകം ആണ് ഷിൽജിയുടെ പിതാവ്.മാതാവ് എൽസി,സഹോദരി ഷിൽന, അച്ഛമ്മ മേരി,കുടുംബം, നാട്ടുകാർ, സ്കൂൾ അധികൃതർ എന്നിവരെല്ലാം ഷിൽജിയുടെ മുന്നേറ്റത്തിന് കരുത്തായുണ്ട്.