കോഴിക്കോട്: ബൈക്കുകളിലെ ട്വിസ്റ്റിങ് നമ്പര് പ്ലേറ്റുകള്ക്കെതിരെ പൊലീസ് പരിശോധന കര്ശനമാക്കി. വാഹന പരിശോധനയില് നിന്ന് രക്ഷപ്പെടാന് രൂപമാറ്റം വരുത്തിയ നമ്പര് പ്ലേറ്റുകളുള്ള 8 ബൈക്കുകള് ഇതുവരെ കോഴിക്കോട് സിറ്റി ട്രാഫിക്ക് പൊലീസ് പിടികൂടി.കാന്തിക ശക്തി ഉപയോഗിച്ച് മുമ്ബിലേക്കും പിന്നിലേക്കും അതിവേഗം ചലിപ്പിക്കാന് കഴിയുന്ന നമ്പര് പ്ലേറ്റുകളാണ് ഇത്തരം ബൈക്കുകളില് ഉപയോഗിക്കുന്നത്. വാഹന പരിശോധനക്കിടെ വെട്ടിച്ച് കടക്കാന് നമ്പര് പ്ളേറ്റുകളില് കൃത്രിമം നടത്തുന്ന ബൈക്കുകളെ പിടികൂടാന് ഓപ്പറേഷന് ടെയ്ല് ടൈഡി എന്ന പേരിലാണ് പരിശോധന തുടരുന്നത്. ഇതുവരെ പിടിച്ചെടുത്ത 8 ബൈക്കുകളുടെയും ഫിറ്റ്നസ് റദ്ദാക്കാനുള്ള നടപടികള് സ്വീകരിച്ചു. നമ്പര് പ്ലേറ്റുകള് സ്ഥാപിക്കുന്ന സ്ഥാപനങ്ങള്ക്കും മുന്നറിയിപ്പ് നല്കിയിട്ടുണ്ട്. ട്വിസ്റ്റിങ് നമ്പര് പ്ലേറ്റുകള് ഘടിപ്പിച്ച ബൈക്കുകള് വ്യാപകമായി കുറ്റകൃത്യങ്ങള്ക്ക് ഉപയോഗിക്കുന്നുണ്ടെന്നാണ് വിവരം. വരും ദിവസങ്ങളിലും ജില്ലയില് പരിശോധന തുടരും.
Tags:
Latest