ട്രെയിനിൽ സ്ലീപ്പർ ക്ലാസ് യാത്രയ്ക്കും പുതപ്പും തലയണയും; ആവശ്യമുള്ളവർക്ക് മാത്രം, പണം നൽകണം

ചെന്നൈ∙ ട്രെയിനുകളിലെ എസി കോച്ചുകളിലേതു പോലെ സ്ലീപ്പർ ക്ലാസ് യാത്രക്കാർക്കും വിരിയും പുതപ്പും തലയണയും നൽകാൻ ദക്ഷിണ റെയിൽവേ തീരുമാനിച്ചു. ജനുവരി 1 മുതൽ നടപ്പാക്കുന്ന പദ്ധതി രാജ്യത്ത് ആദ്യമാണ്. യാത്രക്കാർ ആവശ്യപ്പെടുന്നതനുസരിച്ചാകും ഇവ നൽകുക. പണം നൽകണം.

∙ ഈ ട്രെയിനുകളിൽ

ചെന്നൈയിൽ നിന്നും തിരിച്ചും കേരളത്തിലൂടെ കടന്നു പോകുന്ന മംഗലാപുരം സൂപ്പർ ഫാസ്റ്റ് (12685/12686), പാലക്കാട് എക്സ്പ്രസ് (22651/22652), തിരുവനന്തപുരം സൂപ്പർഫാസ്റ്റ് (12695/12696), ആലപ്പി സൂപ്പർഫാസ്റ്റ് (22639/22640), മംഗലാപുരം എക്സ്പ്രസ് (16159/16160) എന്നിവയടക്കം 10 ട്രെയിനുകളിലാണു പദ്ധതി നടപ്പാക്കുന്നത്.

നിരക്ക്

∙ ഒരു വിരി, ഒരു തലയണ, തലയണ കവർ– 50 രൂപ.

∙ ഒരു തലയണയും കവറും– 30 രൂപ

∙ വിരി മാത്രം– 20 രൂപ