കാട്ടുപന്നിയുടെ ആക്രമണത്തിൽ ഒരാൾക്ക്പ രിക്ക്

കാട്ടിപ്പാറ :

കാട്ടിപ്പാറ ഗ്രാമ പഞ്ചായത്തിലെ ചേമ്പ്രക്കുണ്ട ബംഗ്ലാവുകുന്നു അബ്ദുൽ സലീം സുഹൃത്ത് മുഫസ്സിർ എന്നിവർ പൂനൂർ അങ്ങാടിയിൽ നിന്ന് രാത്രി 9മണിക്ക് ജോലി കഴിഞ്ഞ് തിരിച്ചു വരുന്ന വഴി വെട്ടിഒഴിഞ്ഞതോട്ടം അങ്ങാടിക്ക് സമീപം വെച്ച് ഇവർ സഞ്ചരിച്ചിരുന്ന ബൈക്കിന്റെ മുമ്പിൽ കാട്ടു പന്നി കുറുകെ ചാടി ബൈക്ക് റോഡിലേക്ക് മറിഞ്ഞു വീണ് രണ്ട് പേർക്കും സാരമായ പരിക്ക് പറ്റി താമരശ്ശേരി ഹോസ്പിറ്റലിൽ ചികിത്സയിലാണ്. സുമാർ 6 മാസം മുൻപ് വെട്ടിഒഴിഞ്ഞതോട്ടം ചെമ്പ്രകുണ്ട അങ്ങാടിക്ക് സമീപം കാട്ടുപന്നി കൂട്ടം ഓട്ടോറിക്ഷയെ ആക്രമിച്ച് ഓട്ടോറിക്ഷ ഓടിച്ചിരുന്ന കൂരാച്ചുണ്ട് സ്വദേശി ഗുരുതര പരുക്ക് പറ്റി മരണപ്പെട്ടിരുന്നു. വെട്ടിഒഴിഞ്ഞതോട്ടം ഭാഗത്ത് ചില വീടുകളിൽ കാട്ടു പന്നികൾ ഓടി കയറി കുടുംബങ്ങൾക്ക് പരിക്ക് ഏല്പിച്ചിട്ടുണ്ട്.വെട്ടിഒഴിഞ്ഞതോട്ടവും പരിസര പ്രദേശങ്ങളിലും കാട്ടുപന്നികളുടെ ആക്രമണം രൂക്ഷമാണ്.

കാട്ടുപന്നിയുടെ ആക്രമണത്തിൽ നിന്ന് പൊതു ജനങ്ങളുടെ ജീവനും സ്വത്തിനും സംരക്ഷണം നൽകുന്നതിനുള്ള നടപടികൾ ഉടനെ സ്വീകരിക്കണമെന്ന് കട്ടിപ്പാറ സംയുക്ത കർഷക കൂട്ടായ്മ ഗവണ്മെന്റിനോട് ആവശ്യപ്പെട്ടു