മനസാക്ഷിയെ ഞെട്ടിച്ച വിസ്മയ കേസില് ഭര്ത്താവ് കിരണ്കുമാര് കുറ്റക്കാരനെന്ന് കോടതി.
കൊല്ലം അഡിഷനല് സെഷന്സ് കോടതിയുടേതാണ് വിധി.
സ്ത്രീധനവും സമ്മാനമായി നല്കിയ കാറും തന്റെ പദവിക്ക് കുറഞ്ഞുപോയെന്ന് പറഞ്ഞ് സര്ക്കാര് ഉദ്യോഗസ്ഥനായ കിരണ്കുമാര് ഭാര്യയെ മര്ദിച്ച് ആത്മഹത്യയിലേക്ക് തള്ളിവിട്ടെന്നാണ് പ്രോസിക്യൂഷന് കേസ്.
ജൂണ് 21ന് പുലര്ച്ചെയാണ് വിസ്മയ ഭര്തൃഗൃഹത്തിലെ കുളിമുറിയില് ആത്മഹത്യ ചെയ്തത്.
സ്ത്രീധന പീഡനത്തനെ തുടര്ന്നാണ് ആത്മഹത്യ എന്ന് സ്ഥാപിക്കാന് വിശാലമായ ഡിജിറ്റല് തെളിവുകളാണ് പ്രോസിക്യൂഷന് ഹാജാരാക്കിയത്.
സാധാരണ സ്ത്രീധന പീഡനക്കേസുകളില് നിന്നും വിഭിന്നമായി 102 സാക്ഷികളും 98 രേഖകളും 56 തൊണ്ടിമുതലും കേസിലുണ്ടായിരുന്നു.
സ്ത്രീധനത്തിന്റെ പേരിൽ കിരൺകുമാർ പീഡിപ്പിക്കുന്നതായി വിസ്മയ സുഹൃത്തക്കളോട് ചാറ്റ് ചെയ്തതിന്റെ ഡിജിറ്റൽ തെളിവുകൾ, പിതാവിനോട് അടക്കമുള്ള ഫോണ് സംഭാഷണങ്ങള് എന്നിവയും പ്രോസിക്യൂഷന്റെ തെളിവുകളായി ഹാജരാക്കി.
സാക്ഷികൾ ആരും കേസില് കൂറുമാറിയില്ല എന്നതും വിധി പറയുന്നതിൽ നിര്ണായകമായി.